Una flor seca, ensin arume,
güeyé escaecida nun llibru,
y con un estrañu suañu
enllenó la mio alma:
¿Ónde florió? ¿Cuándu? ¿En qué primavera?
¿Hai muncho que florió? ¿Arrincada
por una mano ayena o conocida?
¿Y quién la allugó equí?
¿Ye l'alcordanza d'un letible alcuentru,
o del permal separtamientu,
o un solitariu paséu
nos aposentaos campos, nes tapecíes viesques?
¿Viviendo eso, quiciás ella tamién viva?
¿Ónde anguañu ta'l llar d'aquellos?
¿O yá se mustigaron ellos,
comu esta escaecida flor?
Alexandru S. Púxkin ( 1828)
Traducido del ruso por Federico G. Fierro Botas
No hay comentarios:
Publicar un comentario