Si un día
los trasgos de la nueche
s'averen seliquino a los míos güeyos
y antoxadizos
me roben de la boca los besos que te guardo;
si al descorrer mañana l'alborada
los sos visillos trupos de borrina
atopo ente les manes
un ermu ensin tenrures;
y si la fonte que cuerre nel maxín
de sópitu se seca
y yá nun tengo hestories pa cuntate,
¡qué mieu, amor, qué llercia,
si al colar de la lluna
me dispierto ensin suaños
y doime cuenta
que namái tengo un cuerpu pa ufiertate
escondíu
na envuelta del pelleyu!
Mª Teresa Glez.
No hay comentarios:
Publicar un comentario