“Llueve, tras los cristales llueve y llueve”
Ía un augua l.larga ya sólida
feita de l.largos filos
sólidos alambres que filvanan cielo ya tierra.
Pespunte texíu por manos
grandes ya moyadas ya sabias que nun deixan
pol rotu se vaigan cielo ya tierra.
Cosíu d’augua que you
nesta aburrición d’un día murniu ya foscu
col deseyu de que pasen las horas
ya de que con el.las pase algu
intento cortar colos güeyos
parpagazos que taracen infinitu
los infinitos filos d’augua ya pase algu.
Algu tras de los cristales…
No hay comentarios:
Publicar un comentario