La nube

¡Cabera nube d'una boriada escamplada!
Tú sola esnales pel llimpiu azul del cielu,
tú sola provoques l'atristayada solombra,
tú sola yes l'afliximientu d'un rescamplante día.

Hai poco que tapeciesti'l cielu alredor,
y con apavoriu endolcóte'l rellámpagu.
Fixesti'l misteriosu troníu
y abebentasti la secañosa tierra cola muga.

¡Ye abondo, colasti!. Finó esti momentu,
la tierra enfrescóse, y esvanecióse la boriada,
y el vientu, acoricando les fueyines de los arboles,
llanzóte fuera de los apanguaos cielos.