Poem

Perriba de la cama, sele como un cristal, descansaba l'amor,
y enllenaba cada esquina d'aquel enorme cuartu;
l'estreldu l'alborada dexábala dormir, mostrando flores
espeyaes na mesa de caoba.

Ai, amor miu, si yo fora quien
a facer que durara, después de la pasión, esta hora de paz,
y ensin racionar la felicidá, caltener esta puerta
pesllada al mundu col so propiu mundu dientro.

Mas tán equí les foles de l'alborada col reburbús del tiempu,
aclariando los nomes nos llombos de los llibros del estante,
y la razón reclama'l so tributu y tu vas despertar
d'un saltu y vas siguir viviendo la to vida.

Pasa'l primer tranvía y tremen les ventanes,
suenen voces cafiantes y la to voz tamién se va axuntar
al coru de les otres, les qu'anueche,
como salvia corriendo peles venes d'un árbole famientu
afirmaron la nuestra identidá per una única nueche.



Louis Macneice (1907-1963)