Siempre

Más que me sientas dicir siempre,
has de saber
que naide sabe ónde empieza siempre
nin ónde acaba;
que siempre ye namás el nome
que-y pongo al desconciertu
cuando tu nun tas conmigo;
pues siempre
tien la esacta duración de los tos gúeyos
llimpiándome de culpes,
y pasa sele,
sele y con procuru,
mirando por nun abrir la puerta
que pudiera llevanos
pa siempre fuera d'esti siempre.