Lluvia...

Préstenme les cais moyaes,
les llargues avenides
con arboles de fueya cayedizo
y baldoses encharcaes, préstenme
les tiendes pequeñines en peligru d'estinción,
los homes y muyeres que paseen solitarios
mientras orbaya en silenciu selemente
y el cielu gris
y les fontes cantarines,
les faroles que s'apaguen
pa volver a prendese.

Préstame como güelen les cais moyaes,
inda más en branu,
los paragües que lleva l'aire -esto sí
que me presta-, el mar encabritáu,
el ríu onde nadie se baña dos veces,
la xente que mira detrás de les ventanes
mientres llueve, llueve y nun para,
los páxaros entumbíos ente les rames
y los autobuses en metá de la truena.

Préstame la paz
después la tormenta,
la calma ya'l silenciu
de la tierra bautizao.