Sólo quería llorar...

Quería llorar ensin entrar en casa,
quería llorar y terminar dafechu tola tristura
y dexar por escrito comu allega al ser viernes
y que lluna crecida en mes payares tien lluz d'amor,
que muerre na rosada y que la va matando.
Yá de la que crecía quixo llorar,
sumise al contemplar el agua que-y robaba
los xuegos más soñaos...
Por querer, siempre quería llorar,
llorar tres los postigos de la casa al llegar la nueche,
llorar comu quien ríe de ser feliz.
Quier llorar; arrastra les llamuergues onde quedó varada,
la tristura davezu que-y arruga la piel y señala les llendes
mas p'allá de les manes, comu muñones secos,
les tardes de los viernes sé que quería llorar;
tranqué toles ventanes pa quedame con ella.
Se bien que llora sola: nin la mar que va a ella
nin yo que l'acompaño somos quien a guardala.
Seique tampoco l'agua va ser a detenela:
Va llorar mientres viva, hai bien pocos remedios
pa que-y vuelvan al alma les primeres nociones
enantes de llorar....



Lourdes Alvarez.