Tiempu...

Tiempu
oh failo por favor
failo una vez más
tu que yes más fuerte que la vida onde aniguen los suaños.
Fuerte
muncho más que la mesma muerte
pos d’ella espurres verdes guaños
faime lo que siempre me fixesti:
Tu que m’echesti a emburriones
del vientre mio ma
por favor
failo una vez más
como cuando me garresti de los pelos
pa sacame del cuartu la infancia
o como cuando tan castronamente
me quitesti’l puxu
que con alta xenerodidá me prestares.
Asina
que por favor
failo una vez más
y avéntame d’esta hora
hora cristal
hora ruina
anque eso m’avere un pasu más aonde yá sé.
Tiempu
por favor
date priesa y failo yá.

Miguel Rojo.