Van cobrando los güeyos el posu la ceniza,
la lluz que llastió nellos abángase al iviernu.
Sé que por más que vuelva, enxamás voi ser quien
a quitate, dafechu, el frio de les manes,
les tardes terecíes buscando lo solano,
el tiempu que, valeru, s'esfrez ente visillos
y fexo del to cuerpu la dureza del xil.
Sicasi vengo agora a celebrar contigo
los retayos qu'entá nos ceda l'alcordanza,
el rir col que vivimos los avientos y el vino
al dieldu de la lluna, refecha nes vidayes
la nieve del Aramu que s'esparde na tierra.
Lourdes Alvarez ( De Aldabes del Olvidu)
No hay comentarios:
Publicar un comentario